Buscador
Noticias
Xacobeo 2010 promove en Santiago de Compostela ata o 25 de xullo a exhibición da mostra Beijing Time. A hora de China, na que 16 artistas ofrecen unha visión da nova creación asiática en disciplinas como o debuxo dixital, vídeo, fotografía, videoinstalación e cinema.
A Conferencia de Universidades aproba a proposta da Consellería de Educación de dar 400 prazas de novo ingreso para Medicina na Universidade de Santiago de Compostela. Deste xeito amplíase a oferta para os estudantes que desexen cursar esta titulación en Galicia.
Entre o 25 de maio e o 5 de xuño promóvese en Barcelona a campaña Camino de Santiago, camino de Galicia, ¿vienes?, na que xa participaron 16.000 persoas durante a súa estancia en Madrid, Valencia e Zaragoza onde procurou incentivar as viaxes turísticas a Galicia.
O antigo cárcere de A Coruña acolle entre o 3 e o 6 de xuño a I Mostra de Cinema Periférico S8 incluída no ciclo Xacobeo Filme. Por ela está previsto que pasen recoñecidos cineastas nacionais e internacionais.
O conselleiro de Cultura e Turismo da Xunta de Galicia presentou a modificación da Lei do Turismo como "unha reforma que proporcionará maior flexibilidade e axilidade ás realidades das empresas" e co obxectivo de fomentar o emprego neste sector considerado estratéxico.
A longametraxe Todos vós sodes capitáns, do cineasta galego Oliver Laxe, gaña o Premio Fipresci do Festival de Cannes (Francia), na sección da Quincena dos Realizadores da mostra. O presidente da Xunta felicitou ao cineasta premiado internacionalmente.
As actividades conmemorativas do Corpus de Ponteareas inclúen unha composición especial da alfombra de frores na Praza do Obradoiro, previa á misa do Peregrino e no marco da colaboración co Xacobeo que promove o concerto da cantante Amaia Montero o 6 de xuño.
A montaxe teatral, que se representará en Pontevedra e Ferrol, supón unha homenaxe da actriz Blanca Marsillach ao seu pai falecido, o dramaturgo Adolfo Marsillach do que se adapta a obra estreada en 1997.
Ourense acolle a presentación do ciclo de concertos Interseccións. A olla da de Novoneyra que achegan a voz do poeta para sembar a súa memoria neste ano en que as Letras Galegas homenaxearon a este autor. O ciclo percorrerá as sete cidades galegas.
O espectáculo musical Dúas Beiras achega a algúns dos persoeiros máis destacados da historia da emigración galega en Arxentina. O Salón Teatro de Compostela acolle esta representación na que conflúen música, danza e audiovisual.
