Notas de prensa

Carta pastoral do Vicario Xeral da Diócese de Lugo: Ponte en camiño... eres misioneiro

“Ponte en camiño... eres misioneiro”. Asíreza o lema para a Xorna­da misioneira dos nenos deste ano 2007. Esa é a mensaxe que se nos que­re transmitir. Cando aínda resoan os ecos das mensaxes consumistas de Nadal e Reis, un pregúntase se estamos preparados para recibir outra men­saxe distinta ou oposta á deses días.

 A Xornada da Infancia Misioneira quere espertarnos desa tranquilida­de en que adormecemos pensando que a nosa vida non ten outro punto de referencia que nós mesmos.

Miramos máis alá das nosas fronteiras para sentirnos irmáns de tan­tos nenos de países de misión e ó mesmo tempo recordarlles ós nenos das nosas comunidades cristiás esta realidade.

Cando un escoita o testemuño dun misioneiro ou misioneira e nos conta realidade do mundo en que desenvolve a súa misión, espértanse en nós sentimentos de admiración para o seu labor e de esperanza polos froi­tos do seu traballo. Pero ó mesmo tempo ábrese ante nós a visión dun cam­po inmenso de desigualdade, de xustiza ede descoñecemento dos países e campos da misión. ¡Cántos nenos inxustamente tratados, famentos, maltra­tados, sen os dereitos máis elementais!.

Estamos ante unha Xornada dirixida ós nenos, pero son os pais e educadores os que teñen o compromiso dunha educación nunha liña de fraternidade universal ede apertura ós problemas de tantos irmáns. Can­do se dá esa educación, sí que os nenos sentirán tamén o compromi­so dunha preocupación polos demais, non limitando a súa vida a un círculo pechado arredor de si mesmos.

"Ponte en camiño...", díselle ós nenos nunha exhortación a non que­darse nas propias comodidades e sair ó encontro das necesidades dos de­mais. Pero, para iniciar este camiño eandalo con seguridade, os nenosne­cesitan unha man que os ampare e os guíe no seu camiñar. Esa man ensina­raos a renunciar a cousas para compartir a fe e a riqueza queeles teñen cos que están faltos delas; e a responsabilizalos na ta­refa de anunciar o Evanxeo ós nenos que non o coñecen.

A Diocese de Lugo recaudou o ano pasado, nesta campaña, 17.679 euros. Foron para paliar as enormes carencias que existen nos países de Terceiro Mundo Mundo e soster as diversas institucións encamiñadas a axudar ós nenos destes países máis necesitados.

No nome deles e dos misioneiros que entregan a súa vida a esta nobre causa, moitas grazas.