inicio |
servicios |
opinión |
recetas |
santoral |
especiales |
sugerencias |
webmail |
promociones
O alcalde de Vigo, Abel Caballero, comprometeuse a promover o uso da bicicleta na cidade olívica. O rexedor vigués fomentará «o carril bici na cidade para que se utilice de forma regular» e articulará un de 25 quilómetros que una Vigo con Baiona. A promesa do alcalde produciuse no transcurso da conferencia de prensa na que se presentou aos medios a II Volta Cicloturista 'Volta a España 2007'.
O evento, que comeza o venres 31 de agosto, está organizado polo Movemento Clima, unha coalición fundada por organizacións sociais e ambientais (Comisións Obreiras, OCU, Intermón Oxfam e WWF/Adena) para «estimular os cidadáns a loitaren contra o cambio climático», segundo explicou Mar Asunción, de Adena. Con esta acción, preténdese concienciar a cidadanía para que reduza as emisións de CO2, ao tempo que esixir a que as autoridades se impliquen na adopción de medidas para combateren este problema.
O ciclista Abraham Olano, campión do mundo en 1995 e director da Marcha Cicloturista presentou o evento animando a que a xente «utilice a bicicleta como medio de transporte en vez do coche, xa que o medio natural precisa que lle boten unha man e deixemos de seguir emitindo CO2». Esta marcha, na que participan aficionados e ciclistas ex-profesionais terá o mesmo percorrido que realizarán ao día seguinte (sábado día 1) os participantes da Volta a España.
Neste sentido, Joaquín Nieto, responsable de Medio Ambiente de Comisións Obreiras a nivel estatal reclamou que o 10 % dos orzamentos e investimentos sobre transporte de cada Administración (local, autonómica e estatal) se destine a favorecer o uso da bicicleta como medio de transporte público, tal e como acontece en Amsterdam ou Copenhague, nas que un terzo dos traballadores utilizan este vehículo para acudiren aos seus traballos. Por outra parte, mentres que a media de uso da bicicleta nos países nórdicos é do 70%, en España é só do 31%. Pero hai datos para o optimismo. En Barcelona, a iniciativa Bicing consegiu 85 mil usuarios en só uns poucos meses. Segundo Nieto, cada 5 quilómetros de traxecto en bicileta aforran un quilo de CO2.
Pola súa parte, Belén Ramos, da OCU, convidou a poboación de Vigo a que participe nas actividades organizadas polo Movemento Clima na zona de meta, como o concurso de pintura sobre a bicicleta e o cambio climático, e a se comprometeren con accións concretas a reducir as emisións de gases contaminantes en actividades cotiás, tal e como se propón na web www.movimientoclima.org. Igual que acontece cos ciclistas, as persoas participantes nestas actividades tamén recibirán premios ao final da Marcha Cicloturista.
Tras su reunión semanal, el Consello de la Xunta anunció que asumirá las cuotas de préstamos de coche y vivienda de quienes se queden sin empleo. Destina 10 millones de euros a esta medida para movilizar un volumen de financiación directa a las familias de 850 millones. Afectará a aquellos que pierdan su empleo "improcedente o involuntariamente".
Radio Galicia de Santiago de Compostela conmemora el 75 aniversario de su puesta en marcha en el nº 5 de la Plaza de la Universidad (frente a la Facultad de Geografía e Historia), primero bajo la sigla empresarial de Unión Radio, y después de la Guerra Civil como integrante de la Sociedad Española de Radiodifusión (Ser).
