Notas de prensa

O Marco inaugura o festival de cultura e creatividade ArtFutura 07

O 25 de outubro aterra no MARCO a XVIII edición de ArtFutura, o Festival de cultura e creatividade de referencia en España, cun extenso programa audiovisual que explora os proxectos e as ideas máis importantes xurdidas no último ano no panorama internacional do new media, o deseño de interacción, os videoxogos e a animación dixital.

As revolucións 2.0 dos últimos dous anos cambiaron por completo o rostro da web, transformándoa nun espazo de participación social e cooperación colectiva que nunca chegaran a imaxinar os primeiros ideólogos da cibercultura a comezos dos noventa. Nembargante, a carón do auxe das redes sociais participativas volveron cobrar forzas algunhas das utopías orixinais que entendían Internet coma unha oportunidade para construír un mundo paralelo e autónomo coas súas propias regras. Entre os que empezan a modelar as leis dunha Web 3.0 e os que seguen a defender unha rede entendida como gran foro de debate social do noso tempo, comezan a albiscar os comezos dunha próxima Rede.

LUGAR: Salón de actos

HORARIOS:
∑ xoves e venres, de 20.00 a 21.30
∑ sábados, de 18.00 a 21.30

NOTA/ AVISO:
ß o xoves 25 de outubro, primeiro día das proxeccións, o horario será de 19.00 a 20.00, por coincidir coa conferencia do artista David Lamelas, que comeza no salón de actos ás 20.30
ß o domingo 18 de novembro haberá tamén proxeccións de 18.00 a 21.30, por coincidir coa Festa do 5º aniversario do MARCO