inicio |
servicios |
opinión |
recetas |
santoral |
especiales |
sugerencias |
webmail |
promociones
O responsable da Área de Cultura da Deputación, o nacionalista Antonio Veiga, xunto co alcalde de Lourenzá, Vidal Martínez Sierra-López, e a Concelleira do Medio Rural, Enma Álvarez Chao presentaron, no Salón de Actos da Deputación de Lugo, a XVIII edición da Festa da Faba de Lourenzá que se celebrará entre os días 2 e 5 de outubro. Antonio Veiga felicitouse por “facer da Deputación un concello de concellos e convertela nun lugar aberto para que os concellos poidan presentar as iniciativas culturais que desenvolven ao longo do ano”. Ademais Veiga sinalou que esta festa da faba non ía dirixida a promover o consumo de un produto gastronómico durante unha única fin de semana senon que é unha festa que sirve para promocionar e ensalzar un produto cunha calidade contratada que se consume durante todo o ano. O alcalde de Lourenzá agradeceu na súa intervención a colaboración dos patrocinadores e destacou que a intención desta XVIII edición da Festa da Faba de Lourenzá é sobrepasar o ámbito comarcal e facer da festa un punto de referencia no outono galego.
As actividades programadas en torno á XVIII edición da Festa da Faba de Lourenzá comenzarán xoves, día 2 de outubro, cunha xornadas técnicas sobre cooperativismo agrario. O venres, día 3, terá lugar a presentación do libro, editado pola Área de Cultura da Deputación, sobre a Faba de Lourenzá un traballo que recolle tódalas características e singularidades do cultivo desta leguminosa na comarca da mariña central. Esta edición da festa, que ten como lema Cando a natureza é arte, irá adicada á arte da gastronomía ou arte culinaria e nela actuará como pregoeira a hostaleira Pía Lago que leva moitos ano colaborando con esta celebración de xeito desinteresado.
UNHA IXP PARA A FABA DE LOURENZÁ
Este será o primeiro ano da festa na que a Faba de Lourenzá conta cun distintivo de calidade que a diferencia e avala no mercado. A faba de Lourenzá atópase, neste momento, baixo o control do INGACAL, organismo dependente da Consellería do Medio Rural, e coa consideración de producto con Protección Nacional Transitoria á espera de que dentro dun ano acade a categoría de IXP (Indicación Xeográfica Protexida) co cal terá o máximo marchamo de calidade a nivel europeo. Nesta IXP terán cabida os máis de cincocentos produtores que se adican ao cultivo da faba na comarca.
DEGUSTACIÓN DE FABAS PARA CELIACOS
Na súa intervención o alcalde de Lourenzá, Vidal Sierra, informou da celebración de dúas degustacións que terán lugar o sábado 4 e o domingo 5 de outubro. Para estas degustacións confeccionarase un menú exento de gluten para que os celiacos poidan disfrutar sen problemas das maravillas culinarias da faba de Lourenzá. Estas degustacións terán prezos populares e organizarnase en colaboración cos hostaleiros de Lourenzá.
Santiago de Compostela acogió la celebración de dos manifestaciones en las que agricultores gallegos demandan precios dignos para la leche y ayudas públicas al sector. La división entre los sindicatos agrarios llevó a una doble convocatoria: por un lado la protesta de Unións Agrarias y de Xóvenes Agricultres, y por otra la del Sindicato Labrego Galego.
Presentado en el Museo Provincial el catálogo de fondos digitalizados de la obra de Castelao, que recoge en la web cerca de dos mil dibujos del intelectual galleguista. El catálogo, que puede ser visitado a través de la página web del Museo, pone a la disposición directa de los ciudadanos toda la obra plástica de Castelao custodiada en el Museo de Pontevedra.
