inicio |
servicios |
opinión |
recetas |
santoral |
especiales |
sugerencias |
webmail |
promociones
A exposición audiovisual itinerante “En Camiño” –organizada pola S.A. de Xestión do Plan Xacobeo da Consellaría de Innovación e Industria, en colaboración coa Asociación de Cámaras de Comercio do Camiño de Santiago– comeza o seu circuíto europeo en Xenebra. A exposición estará aberta até o día 8 de outubro na sala de exposicións da Universidade da cidade suíza. Ao acto inaugural, que terá lugar mañá mércores, ás 19 h., acudirá o director xeral de Turismo, Rubén Lois, o presidente da Cámara Oficial de Comercio Hispano Suíza, así como autoridades do cantón e cidade de Xenebra.
O 8 de outubro, con motivo da clausura da exposición, celebrarase un encontro sobre o Camiño de Santiago no edificio Uni-Dufour da universidade xenebrina, que inclúe conferencias de distintos estudiosos do Camiño como o presidente da Asociación Suíza dos Amigos do Camiño de Santiago, Bernard de Senarclens; ou a ex membro do Parlamento Federal de Suíza e conselleira nacional, Gabrielle Nanchen, autora do libro “Compóstelle: de la Reconquista à la Réconciliation”.
Destino Alemaña
Logo de Xenebra, a exposición trasladarse á tamén cidade suíza de Zurich, onde será inaugurada o 13 de outubro, para posteriormente desprazarse a Alemaña, concretamente ás cidades de Frankfurt e Berlín. Ademais do circuíto europeo a exposición tamén recalará nas cidades de Zaragoza e Xixón; na primeira entre os días 3 e 29 de outubro e na segunda entre o 3 e o 15 de novembro.
Para poder acometer este dobre circuíto simultáneo, organizouse unha versión especial para Europa da exposición na que se ofrecen un documental sobre a ruta xacobea e as distintas visións sobre o Camiño dalgúns dos fotógrafos galegos máis recoñecidos: Tono Arias, que centra o seu traballo no Camiño Francés; Xoán Rodríguez, que o fai no Camiño Inglés; Xurxo Lobato, que se centra no Camiño de Fisterra e Muxía; e Vari Caramés e Tino Martínez, que ofrecen a súa mirada sobre a cidade de Santiago de Compostela.
A exposición xa estivo en Porto, Lisboa, Barcelona, Palma de Mallorca e Castellón, onde será clausurada hoxe martes, 30 de setembro.
Santiago de Compostela acogió la celebración de dos manifestaciones en las que agricultores gallegos demandan precios dignos para la leche y ayudas públicas al sector. La división entre los sindicatos agrarios llevó a una doble convocatoria: por un lado la protesta de Unións Agrarias y de Xóvenes Agricultres, y por otra la del Sindicato Labrego Galego.
Presentado en el Museo Provincial el catálogo de fondos digitalizados de la obra de Castelao, que recoge en la web cerca de dos mil dibujos del intelectual galleguista. El catálogo, que puede ser visitado a través de la página web del Museo, pone a la disposición directa de los ciudadanos toda la obra plástica de Castelao custodiada en el Museo de Pontevedra.
