A Consellería de Educación e Ordenación Universitaria, a través da Secretaría Xeral de Política Lingüística, daralles axudas aos centros de ensino para a realización de proxectos que fomenten o uso do galego no ámbito educativo.
Para a inclusión na programación xeral anual do curso, os centros poderán elaborar os proxectos de dinamización lingüística en termos semellantes aos recollidos nas últimas convocatorias, xa que a do presente curso académico, que se realizará a comezos de 2010, manterá, en liñas xerais, os mesmos criterios de elaboración e avaliación dos proxectos.
Na convocatoria do curso pasado, o departamento que dirixe Anxo Lorenzo contribuíu cun millón de euros a financiar os proxectos de fomento do galego nos centros de ensino público da comunidade e destinou 81.980 euros aos dos centros educativos privados.
O papel dos equipos
Os equipos de normalización e dinamización lingüística (ENDL) dos centros educativos son os principais promotores e redactores dos proxectos de fomento do uso do galego que anualmente veñen concorrendo a estas axudas de Política Lingüística para contribuír ao seu financiamento.
Un dos obxectivos fixados para esta lexislatura por Anxo Lorenzo é lograr unha maior visibilidade do labor dos ENDL e avanzar na planificación da súa actividade. Nesta liña, a secretaría xeral puxo en marcha o pasado mes de xuño un espazo web a través do que se difunden as experiencias dinamizadoras que desenvolven os ENDL e no que os centros poden compartir recursos, ferramentas e información.
Os ENDL, formados por profesorado, representantes dos alumnos e persoal non docente, comezaron a funcionar nos centros de ensino galegos no curso 1990-1991. A súa creación responde ao obxectivo da Lei de normalización lingüística de 1983 de conseguir que os alumnos e alumnas adquiran unha boa competencia nas dúas linguas oficiais de Galicia.
El secretario xeral del PSdeG, Pachi Vázquez, ha mostrado su "satisfacción" por la victoria de Alfredo Pérez Rubalcaba, que este sábado ha sido elegido nuevo secretario general del PSOE, y ha afirmado: "Yo siempre dije que apostaba por él". Pachi Vázquez aboga por "pasar página" porque los enfrentamientos son "propios" del congreso pero ahora hay que "integrar, unir y ser fuertes".
La Ciudad de la Cultura de Galicia, en Santiago de Compostela, acogió la presentación de la XLIV Feria del Cocido de Lalín (Pontevedra), calificada como "un dos acontecementos gastronómicos máis senlleiros" por el conselleiro de Cultura e Educación. El 12 de febrero se celebra esta feria declarada de Interés Turístico.
Menéame