A conselleira do Mar, Rosa Quintana, calificou o día de votación da nova Lei de pesca “como un día importante para a Galicia mariñeira”. Rosa Quintana, afirmou que o texto que se somete a votación hoxe no Parlamento, é o resultado “de seis meses de traballo” consensuado e sen parón. A nova Lei abarca a modificación de 82 aspectos do texto da anterior normativa cos que o sector non estaba conforme. “Poñemos ao servizo do sector o que pedía e necesitaba, un taboleiro de xogo adecuado e práctico”, dixo a conselleira, emocionada, tras a súa intervención no Pleno da cámara galega.
Rosa Quintana destacou que a normativa foi aprobada polo sector “co seu consenso case unánime”, xa que no Consello Galego de Pesca só tivo un voto discordante, e que conta co acordo unánime nas alegacións dos bateeiros. Así mesmo, remarcou que o articulado foi enviado e consultado con 114 entidades e asociacións como o resultado “dun proceso aberto e transparente”. Cabe lembrar que esta reforma legal conta con 6 alegacións do Consello Económico e Social (CES) fronte ás 28 da lei anterior.
Entre as novidades que incorpora a Lei está a recuperación do permiso de explotación (permex), con modificacións que minoran a burocracia e que serviu de exemplo para outras Comunidades Autónomas. Ademais, o articulado propón que o Servizo de Gardacostas e o Instituto Tecnolóxico para o Control do Medio Mariño (Intecmar) continúen tendo o seu propio marco xurídico, para evitar as complicacións e ineficiencias administrativas que suporía a súa extinción como entes de carácter público.
A conselleira subliñou que as confrarías xogan un papel fundamental na nova Lei que potencia a unión e organización do sector, ao manter o rango legal dos pósitos e a súa capacidade organizativa. “Nós non queremos un sector dividido, queremos un sector unido e forte”, aseverou.
Rosa Quintana incidiu que esta nova Lei “establece as regras de xogo para un sector que debe e quere seguir estando á cabeza de Europa en materia pesqueira”. Así, a posta en marcha dos contadores a cero das concesións das bateas traerá vantaxes aos bateeiros e as mariscadoras beneficiaránse dun marco flexible coa primacía das que cumpran con responsabilidade e dedicación. Tamén se rebaixará a carga administrativa e a burocracia facilitando o seu traballo a mariñeiros e armadores. Así mesmo, a normativa facilitará a tarefa da Administración ao evitar baleiros legais e administracións paralelas.
A titular de Mar agradeceu o esforzo común de todos aqueles que participaron na elaboración do documento “que da a Galicia un novo pulo para a súa actividade marítima”, e de maneira especial “ao Goberno de Galicia e ao equipo de traballo da Consellería” polo seu esforzo de revisión, redacción e elaboración dunha norma que evita moitos prexuízos e eivas e permite “darlle ao sector vías legais que rexan o futuro en condicións de competitividade”. Así mesmo, a conselleira considerou fundamental as achegas do sector pesqueiro, marisqueiro e acuícola “o que amosa que queren traballar e decidir o seu futuro desde a responsabilidade e a asunción da conservación e aproveitamento dun papel de liderado a nivel español e europeo”.
El secretario xeral del PSdeG, Pachi Vázquez, ha mostrado su "satisfacción" por la victoria de Alfredo Pérez Rubalcaba, que este sábado ha sido elegido nuevo secretario general del PSOE, y ha afirmado: "Yo siempre dije que apostaba por él". Pachi Vázquez aboga por "pasar página" porque los enfrentamientos son "propios" del congreso pero ahora hay que "integrar, unir y ser fuertes".
La Ciudad de la Cultura de Galicia, en Santiago de Compostela, acogió la presentación de la XLIV Feria del Cocido de Lalín (Pontevedra), calificada como "un dos acontecementos gastronómicos máis senlleiros" por el conselleiro de Cultura e Educación. El 12 de febrero se celebra esta feria declarada de Interés Turístico.
Menéame