O conselleiro do Medio Rural, Samuel Juárez Casado, fixo unha chamada á unidade de tódolos axentes dos sectores agrario, gandeiro e forestal de Galicia fronte ás dificultades polas que atravesan na actualidade. Fixo estas declaracións na inauguración do I Salón Monográfico da Gandería e a Agricultura Gandagro, en Silleda, onde estivo acompañado polo conselleiro de Presidencia, Administracións Públicas e Xustiza, Alfonso Rueda, e no que tamén advertiu que no contexto actual, máis ca nunca, é preciso impulsar entre todos a produción, distribución e venda da produción agroalimentaria galega.
Para este fin, Alfonso Rueda destacou o papel da Fundación Semana Verde e do seu recinto feiral, ao que cualificou como “o espazo idóneo para afrontar a modernización da Galicia rural”. Así, a celebración de feiras monográficas como Gandagro, dixo, confirma o “oportuno xiro” do calendario feiral de Silleda cara a celebración de certames totalmente profesionais que responden ás verdadeiras necesidades dos sectores produtivos.
Punto de encontro
Juárez definiu este foro como un útil punto de encontro, que permite aos profesionais unha actualización de coñecementos básica para facer fronte aos retos permanentes da competitividade.
Engadiu que Gandagro constitúe tamén un escaparate privilexiado do mellor da nosa produción gandeira, unha boa mostra da súa calidade e que o titular de Medio Rural animou a manter entre todos: Os propios gandeiros, as autoridades con responsabilidades na materia e os consumidores finais, demandando sempre que se manteña a excelencia das nosas producións.
O conselleiro insistiu na aposta da Xunta polos sectores gandeiro, agrario e forestal como eixos estratéxicos da economía galega, e tamén pola súa importancia social e mesmo cultural, pola súa contribución ao mantemento da poboación e da súa calidade de vida no medio rural.
Datos de Gandagro
En Gandagro participan un total de 220 firmas expositoras de 12 países diferentes. De xeito paralelo a este monográfico celébrase tamén a sexta edición de Arco Verde –feira destinada a produtores de planta ornamental–, que reúne a 52 expositores.
No programa de Gandagro están previstas máis de 20 actividades, tales como xornadas técnicas, concursos gandeiros e de innovación, presentacións e exhibicións. No marco deste salón terá lugar o XXX Concurso Internacional de Raza Frisona “Open Gandagro”, que reunirá a 250 exemplares, tanto nacionais coma internacionais. Ademais, haberá diversas exposicións de razas autóctonas galegas en perigo de extinción.
La compraventa de viviendas cayó un 27,4% en 2011, con respecto a la cifra alcanzada en 2010, en Galicia, hasta las 16.390 operaciones, con lo que revierte el resultado del año pasado en el que las compras crecieron un 6%, de acuerdo con los datos publicados por el Instituto Nacional de Estadística (INE).
Guillerme Vázquez (BNG) ha instado a los miembros de su partido que consideren que su proyecto ya no es esta formación política a que tomen la decisión sobre su continuidad "cuanto antes". Pachi Vázquez (PSdeG) ha pedido a sus compañeros de partido ser "pragmáticos" y "cerrar cuanto antes el debate orgánico".
Menéame