A Consellería de Economía e Industria, a través da Dirección Xeral de Comercio, respalda cunha cantidade global de case 55.000 euros a realización da XX Mostra do Encaixe de Camariñas, que permanece aberta ata o día 4 de abril. A achega principal, de case 50.500 euros, articulada mediante un convenio co Concello de Camariñas, supón un 70% do orzamento global destinado á mostra.
O departamento que dirixe Javier Guerra apoia este evento de artesanía galega como parte dun conxunto coherente de respaldo en ámbitos como a xestión agrupada, a estruturación da formación, a produción e o emprego, xunto coa dinamización da comercialización para favorecer e facilitar a organización da capacidade produtiva, en este caso do encaixe de Camariñas que, cunha gran variedade de estilos e fórmulas é altamente valorada polos consumidores como referente en calidade e deseño.
A Consellería de Economía e Industria, a través da Dirección Xeral de Comercio, é consciente da relevancia que a Mostra do Encaixe de Camariñas ten e, por iso, amosa o seu compromiso para contribuír a que a repercusión do encontro siga medrando como signo de cultura e de arte, pero tamén como dinamizador económico.
O compromiso da Xunta de Galicia cos artesáns vai máis alá do fomento deste tipo de encontros como trazos de identidade cultural, a través de ferramentas de promoción e tamén dando pulo a súa continuidade apostando pola formación. Exemplo disto son os 18 cursos relacionados co encaixe programados desde o ano pasado á presente data, para que os artesáns perfeccionen e avancen nas súas técnicas para acadar a excelencia do produto.
A XX Mostra de Encaixe de Camariñas, que será inaugurada pola directora Xeral de Comercio, Nava Castro Domínguez, daralle a partires de mañá un pulo a novos usos do encaixe no sector do deseño a través dos desfiles organizados, nos que se inscribiron 87 mozos e mozas para participar no XVII Concurso de Novos Deseñadores. Asemade, esta nova edición contará, por primeira vez, co concurso Encaixe de Camariñas, que elixe como temática o acontecemento fundamental neste ano 2010: o Xacobeo.
La compraventa de viviendas cayó un 27,4% en 2011, con respecto a la cifra alcanzada en 2010, en Galicia, hasta las 16.390 operaciones, con lo que revierte el resultado del año pasado en el que las compras crecieron un 6%, de acuerdo con los datos publicados por el Instituto Nacional de Estadística (INE).
Guillerme Vázquez (BNG) ha instado a los miembros de su partido que consideren que su proyecto ya no es esta formación política a que tomen la decisión sobre su continuidad "cuanto antes". Pachi Vázquez (PSdeG) ha pedido a sus compañeros de partido ser "pragmáticos" y "cerrar cuanto antes el debate orgánico".
Menéame