Este convenio foi asinado nun acto no que tamén estiveron presentes os presidentes das Asociacións Provinciais de Hostalería de Galicia, adheridas a Cehosga.
O acordo conta cun investimento total de 390.700 euros, dos que a Consellería de Cultura e Turismo, a través da Secretaría Xeral para o Turismo, achega un total de 241.935 euros, o que supón o 61,92% do orzamento total.
Entre as actuacións máis destacadas figura a mellora da competitividade en pequenas empresas de hostalería a través da titorización individualizada e unha xornada de comunicación de experiencias por asesorados no programa do pasado 2009.
A realización dun periódico Cehosga, de distribución por toda Galicia e en distintos puntos relacionados co sector en España, que inclúa novas e información de interese para o sector turístico e hoteleiro é outra das medidas que se levarán a cabo.
Tamén consta dentro deste acordo de colaboración a organización do IV Encontro da Hostalería Galega onde se premia a profesionais do sector, incluíndo unha mención especial a un persoeiro destacado pola difusión do turismo en Galicia ou a divulgación e asesoramento na aplicación de normas xurídicas que afectan ao sector.
Ademais, en canto a formación, tamén sobresae a realización do curso Revenue Management como ferramenta imprescindible no sector hostaleiro, onde se dará conta do que é o sistema de xestión da rendibilidade e/ou da produción, consistente en predicir a demanda de clientes en tempo real, a nivel micromercado e optimizar o prezo e a dispoñibilidade de produtos.
Tamén se realizará un curso de comercialización para empresas turísticas en aras do desenvolvemento de novas tecnoloxías como forma de venda, e outro de control e xestión para empresas de restauración que axude a mellorar a xestión deses negocios e o aproveitamento dos recursos, maximizando a rendibilidade e mantendo a mellor satisfacción dos clientes, fomentando á súa vez o turismo de calidade.
Por último poranse en marcha guías Cehosga de promoción turística que dean a coñecer o importante patrimonio galego propoñendo a Santiago de Compostela como punto de chegada á que conducen todos os camiños xacobeos, e de partida cara outros lugares de interese de Galicia. Estas guías distribuiranse en todos os puntos de información turísticos galegos e nos establecementos asociados das diferentes Asociación e Federacións adheridas a Cehosga.
Coas actuacións deste convenio, trátase de aunar esforzos co obxectivo de fixar o papel preponderante que xogará Galicia nos próximos anos e a indución da renda económica derivada do turismo en todos os subsectores, sexan ou non turísticos, que interrelacionan co visitante, como os hoteis, as axencias de viaxe, as oficinas de turismo, o pequeno comercio, etc. Deste xeito, a Administración galega está realizando esforzos tanto para a promoción dos destinos como para a mellora interna dos establecementos en vistas á consecución dun progreso xeralizado da rendabilidade empresarial.
El secretario xeral del PSdeG, Pachi Vázquez, ha mostrado su "satisfacción" por la victoria de Alfredo Pérez Rubalcaba, que este sábado ha sido elegido nuevo secretario general del PSOE, y ha afirmado: "Yo siempre dije que apostaba por él". Pachi Vázquez aboga por "pasar página" porque los enfrentamientos son "propios" del congreso pero ahora hay que "integrar, unir y ser fuertes".
La Ciudad de la Cultura de Galicia, en Santiago de Compostela, acogió la presentación de la XLIV Feria del Cocido de Lalín (Pontevedra), calificada como "un dos acontecementos gastronómicos máis senlleiros" por el conselleiro de Cultura e Educación. El 12 de febrero se celebra esta feria declarada de Interés Turístico.
Menéame