domingo, 19 de mayo de 2024
Tal e como sinalou a delegada do reitor para o Campus Terra, Elvira López Mosquera, a sede universitaria luguesa é un escenario acaído para fomentar a reflexión arredor da sustentabilidade empresarial xa que este é un campus centrado no ámbito agrícola, gandeiro, alimentario, forestal e ambiental e por iso foi merecedor dunha acreditación oficial por parte da administración autonómica como Campus de Especialización, o cal nos permite ter un financiamento extra anual dun millón de euros en base a resultados.
Nesta mesma liña, a profesora López Mosquera lembrou que os principais eixos de investigación do Campus están perfectamente aliñados con, polo menos, oito Obxectivos de Desenvolvemento Sostible, cos 3 obxectivos da PAC 2021-27 e con varias accións do Pacto Verde Europeo. Campus Terra é un referente para o sector primario galego, dixo. O foro permitiu achegar as necesidades da contorna a quen toma decisións a nivel global e, á vez, evidenciar a capacidade das empresas do rural galego para exercer de motor para o impulso do desenvolvemento sostible.
A delegación do Pacto Mundial da ONU no Estado español é, dende a súa creación, unha das primeiras plataformas estatais do Pacto Mundial. Así mesmo, atópase entre as tres primeiras redes locais con maior número de participantes, sendo máis de 1.710 en España. A sesión desenvolvida no Campus Terra estivo impulsada pola empresa Agroamb, única compañía galega dentro do órgano de gobernanza da iniciativa.
Cada galego reciclou o ano pasado unha media de 30,3 quilos de envases domésticos lixeiros e de papel-cartón, case un 3% respecto máis que o ano anterior. Estes datos enmárcanse no traballo desenvolvido pola Xunta e Ecoembes (organización sen ánimo de lucro que coordina a reciclaxe dos envases domésticos en todo o país) para mellorar o depósito, recollida e posterior recuperación deste tipo de residuos no conxunto da comunidade galega. En 2023 en Galicia recuperáronse 73.687 toneladas (Tn) de envases de orixe doméstica (37.640 Tn de envases plásticos, 23.781 Tn de papel-cartón, 11.566 Tn de envases metálicos e 700 Tn de recipientes de madeira).
A directora da Axencia Galega de Doazón de Sangue, Órganos e Tecidos, ADOS, Marisa López, salientou que o pasado ano se rexistraron en Galicia 103.525 doazóns de sangue, das que 9.564 se corresponden a persoas que doaron por primeira vez. Estes bos resultados, que foron expostos pola directora na Comisión 5ª de Sanidade do Parlamento de Galicia, sitúan Galicia entre as comunidades máis solidarias. Este número de doazóns permitiu dar resposta e garantir o abastecemento de hemoderivados de todos os centros hospitalarios de Galicia, en todo momento, e de xeito ininterrompido.
