Nota de prensa remitida por el Gabinete de Comunicación de la Xunta de Galicia:
A Consellería de Economía e Industria que dirixe Javier Guerra Fernández prepara un plan integral de apoio ao sector galego da automoción, que conforma a primeira industria da Comunidade Autónoma e supón un dos motores estratéxicos do desenvolvemento económico de Galicia cunha facturación que representa o 17% do PIB, e unha suma de máis de 21.000 empregados.
Por este motivo, existe un total apoio á industria do automóbil, ás empresas auxiliares e aos concesionarios por parte da Consellería de Economía e Industria, que lamenta o escaso apoio e a escasa sensibilidade que o Goberno central volve a demostrar co sector da automoción en Galicia en xeral, e coa importante planta que o grupo PSA Peugeot-Citroën ten en Vigo, en particular, á hora de repartir as súas axudas.
A Consellería de Economía e Industria apunta que o Goberno central, unha vez máis, decide primar a outras factorías e comunidades autónomas nas que a automoción ten moito menos peso na súa economía en detrimento da planta máis produtiva de España e de toda a industria auxiliar, mentres que o Goberno da Xunta de Galicia xa anunciou en varias ocasións que mobilizará todos os seus recursos para apuntalar o sector da automoción da man de inversións reais e da innovación tecnolóxica.
Deste xeito, o departamento que dirixe Javier Guerra salienta que a Xunta leva mobilizados case 370 millóns de euros en vendas nos concesionarios galegos grazas ao plan re-Móvete de axuda á compra de vehículos, que mantén a Galicia nas primeiras posicións en número de matriculacións. O plan foi consensuado con todo o sector (PSA, CEAGA e concesionarios), e está adaptado a estrutura da oferta e a demanda galega, con especial atención ás gamas que se fabrican en Galicia.
Asemade, a Consellería de Economía e Industria ten activo o plan re-Móvete Industrial, dotado con 60 millóns de euros, para financiar novos investimentos, o capital circulante asociado a eses novos investimentos e iniciativas de innovación no sector, sexan ou non pemes. O obxectivo do Plan re-Móvete Industrial é acelerar e aumentar o apoio financeiro ao sector, e suplir o problema que a automoción galega atopa na falta de apoio por parte do Goberno central.
La compraventa de viviendas cayó un 27,4% en 2011, con respecto a la cifra alcanzada en 2010, en Galicia, hasta las 16.390 operaciones, con lo que revierte el resultado del año pasado en el que las compras crecieron un 6%, de acuerdo con los datos publicados por el Instituto Nacional de Estadística (INE).
Guillerme Vázquez (BNG) ha instado a los miembros de su partido que consideren que su proyecto ya no es esta formación política a que tomen la decisión sobre su continuidad "cuanto antes". Pachi Vázquez (PSdeG) ha pedido a sus compañeros de partido ser "pragmáticos" y "cerrar cuanto antes el debate orgánico".
Menéame