600 €

¿Qué se pode facer con 600€ ó mes?

A resposta, está moi clara: vivir ou malvivir.

Porque nesta Galicia nosa que ten enfilado un futuro de progreso imparable, cara ó que se dirixe a toda velocidade, a pensión media non chega ós 600 euros mensuais, senón que se queda en 595,59€.

En pensións, Galicia ocupa o último lugar das comunidades españolas, detrás de Extremadura e Murcia. A cifra é miserenta, e da dolor comparala coa media española - que tamén é unha miseria- de 713€.

A realidade está ahí: Son a cuarta parte da poboación galega os xubilados que teñen pensións que non permiten chegar a fin de mes. E dentro da miseria galega, está primeiro a Coruña con 629 euros, seguida de Pontevedra con 625, logo Lugo con 533 e por fin Ourense con 525€ mensuais de promedio.

E por riba temos sempre a espada de Damocles do risco de que as pensións teñen no futuro se a Seguridade Social non da cumprido o seu papel de pagador. Pois menuda sociedade somos e temos se aínda se nos pon medo co posible futuro dentro da miseria.

¿Que que se pode facer con algo menos de 600€ ó mes?. Malvivir de xeito vergoñento ou rebelarse. O día que os setecentos seis mil pensionistas galegos se poñan en marcha -os labregos están en pé de guerra con menos motivo- os nosos gobernantes solucionarán o problema.