Opinión en Galicia

Unha importante linea de actividade e de xeneración de ingresos para as nosas xentes do rural é a explotación do propio, o turismo rural, a comercialización e o consumo directo de produtos, cada vez máis valorados, auténticas artesanías ó alcance de todos.

A valoración que se fai na casa é resultado dun longo proceso que comezou hai moitos anos, e deu como consecuencia que pouco a pouco se fosen valorando as producións artesanas das pequenas fábricas, talleres e mesmo das casas particulares que cun reducido mercado obteñen xustos precios por produtos –especialmente alimentos– caseiros, resultado de procesos artesanais.

Precisamente a existencia dese mercado, de excelente porvir, xerou e está a xerar a creación de pequenas empresas especializadas nos máis diversos produtos, que venden directamente ou a través da Rede, con magníficos resultados.

O máis recente exemplo témolo nunha pequena empresa da montaña lucense que comercializa castañas en almíbar, que recibiu recentemente un pedido de de 450 tarros para que figurasen nos agasallos navideños da Presidencia do Goberno. Os produtos da serra do Courel figuraron como presente destacado nos agasallos que Rodríguez Zapatero enviou a deputados e xornalistas nas pasadas festas do Nadal.

É só un síntoma, un pequeño exemplo, das posibilidades futuras do inxenio aplicado á explotación dos produtos tradicionais do país. Un pequeno exemplo das posibilidades do noso rural, e dun dos xeitos de lograr que volva afincarse poboación en zonas que aínda agora están perdéndoa de xeito acelerado.