Concerto de grilos

Segue a grila a cantar preto do seu buraco no monte de Barricobos mentres o sol empeza a acochar tras a Chaira. Uns metros á dereita contesta o grilo con voz de Camilo Sesto, que seica está durmido; segundo Ángela Carrasco que lle pide que durma ben que ela vixiará o seu sono en "Xesucristo Superstar".

Ante a ocorrencia do narrador (o saltón), por meter esa ópera rock polo medio, o grilo e a grila escachan a rir. Rin tanto que a laverca, que estaba nunhas carpazas da Porfía, levanta o voo e preséntase nos penedos de Barricobos para contemplar o concerto da parella de ortópteros.

Coa emoción, a laverca deixa caer unha cagada sobre o escudo do Real Madrid que un mozo esculpira no século pasado. Nese momento retumba un trono e os grilos foxen espavorecidos cara ás súas casas.