O quinto recruta

PINGAS DE ORBALLO

Son o quinto recruta, o quinto quinto do rexemento que camiña polas areas movedizas dunha guerra que está a piques de iniciarse; a daqueles que falan nunha lingua que ninguén quere contra aqueles que queren un idioma que non deixan falar.

Son o quinto recruta, o quinto quinto que defende a miña propia lingua a morte, pero sen balas, sen guerras. Escribo dende a trincheira da infancia, onde o inimigo estaba pechado no cárcere da escola.

Fóra dese cárcere, eramos coma soldadiños cheos de inocencia que falabamos a lingua nai. Eramos felices. Agora témoslle medo a esa guerra que está a piques de empezar.

Son o quinto recruta, o quinto quinto que adoita disparar tan só con bolígrafos que soltan balas de cor azul ou de cor negra.

Cafetaría Oren Express da Valenzá.